Vilja færa ósjálfstæðum unglingum völd

"Tveir þingmenn Vinstrihreyfingarinnar - græns framboðs, Hlynur Hallsson, og Kolbrún Halldórsdóttir, hafa lagt fram þingsályktunartillögu um að ríkisstjórninni verði falið að undirbúa að kosningaaldur verði 16 ár í stað 18 ára."

Í fyrsta lagi vil ég reyndar hrósa Vinstri-grænum.  Ég hef aldrei séð þau koma með neitt annað en væl yfir því sem aðrir eru að gera.  Nú eru þau að gera eitthvað sjálf.

Að því sögðu vil ég aðeins tjá mig efnislega um tillöguna.  Mér finnst hún alveg út úr kortinu.  Satt að segja finnast mér 17 ára unglingar ekki nógu þroskaðir til að keyra bíl, hvað þá til þess að kjósa.  Fólki er ekki treyst fyrir fjárræði á eigin eignum á þessum aldri - en á nú að fara að treysta þeim fyrir þeirri ákvörðun hverjir fara með ríkisfjármálin?  Ég hugsa að það megi alveg bíða í tvö ár.

Það hefur verið ákveðin stefna að færa fullorðinsaldurinn í 18 ára markið.  Þegar fólk verður 18 ára verður það lögráða, fjárráða, það má kjósa, gifta sig og fara inn á vínveitingastaði (ef reglur staðarins leyfa).  Ég legg til að skrefið verði stigið til fulls; ökuleyfisaldur færður í 18 ár og áfengiskaupaaldur sömuleiðis.

Vilja lækka kosningaaldurinn í 16 ár

Athugasemdir

[Kristófer Sigurðsson, 25.1.2007 kl. 11:28]

Þú meinar þá í rauninni að gera fyrstu 2 árin í menntaskóla að skyldu?  Mér finnst alveg að það mætti skoða það, en vegna mismunandi námsleiða í menntaskóla er ég ekki viss um að ég myndi styðja að taka það inn í grunnskólann.  Til dæmis væri erfitt fyrir grunnskóla að bjóða upp á grunndeild rafiðna eða hársnyrtibraut.  Nemendur sem vildu slíkt myndu þá þurfa að skipta í einu 1-2 grunnskólana á landinu sem byðu upp á slíkt fyrir seinni tvö árin...og hagkvæmnin sem flest í því að láta sama skólann sjá um grunn- og framhaldsiðnmenntun myndi hverfa.

[Kristófer Sigurðsson, 25.1.2007 kl. 11:33]

Já, kannski ekki svo vitlaust að hafa skólaskyldu fyrstu 2 árin í menntaskóla.  Það er þegar mætingarskylda í menntaskólum, en mér finnst reyndar að megi afnema hana fyrir nemendur eldri en 18 ára, enda ættu þeir að geta ráðið sér sjálfir og stýrt námi sínu.  Sumum hentar betur að læra heima en að mæta í fyrirlestra.